U Puchavickim rajonie prachodzić turnir pa tarfianym futbole
Tarfiany (bałotny) futboł jak vid sportu źjaviŭsia ŭ Finlandyi i nabyŭ mižnarodny status u 2000 hodzie.
VIII Respublikanski turnir pa tarfianym futbole startavaŭ u Puchavickim rajonie, piša BiełTA.
Tarfiany (bałotny) futboł — adna z samych vidoviščnych spartyŭnych padziej. Zamiest travianoha hazona hulnia prachodzić na tarfianych palach u ekstremalnych dla hulcoŭ umovach.
Pa słovach ministra enierhietyki Dźmitryja Maroza, torf šmat hadoŭ zastajecca ŭ krainie zapatrabavanym, i pošuk mahčymaściej dla jaho vykarystańnia nie spyniajecca.
«Siońniašniaje mierapryjemstva — jašče adna mahčymaść, jakaja dazvalaje pryciahnuć uvahu da našaha nacyjanalnaha zdabytku», — adznačyŭ jon.
Sioleta za pieramohu zmahajucca 27 kamand: enierhietyki, pradstaŭniki cemientnaj haliny, Minskaha abłasnoha vykanaŭčaha kamiteta, ŚMI, studenty BNTU i kamanda z Rasii.
Akramia matčaŭ, haściej čakajuć kancert, fud-korty, interaktyŭnyja placoŭki i konkursy, a taksama śviatočny fiejervierk.
Tarfiany futboł jak vid sportu źjaviŭsia ŭ Finlandyi i nabyŭ mižnarodny status u 2000 hodzie. U 2016 hodzie spabornictvy pa tarfianym futbole arhanizavali ŭ Biełarusi, a z 2019‑ha jany pravodziacca ŭ krainie štohod.