Prezident Balivii Radryha Pas abviaściŭ u krainie nadzvyčajnaje stanovišča
Pas pryniaŭ hetaje rašeńnie na fonie pratestaŭ, jakija praciahvajucca ŭ krainie ŭžo bolš za 50 dzion i praktyčna paralizavali ekanomiku.
Fota: Jorge Mateo Romay Salinas / Anadolu via Getty Images)
Režym dazvolić prezidentu nakiravać uzbrojenyja siły dla razbłakavańnia daroh i adnaŭleńnia paradku. Rašeńnie prezidenta pavinien razhledzieć parłamient, piša Bi-bi-si.
Pratesty ŭ Balivii pačalisia paśla taho, jak Pas admianiŭ subsidyi na paliva dla skaračeńnia deficytu biudžetu.
Niahledziačy na admienu niepapularnych mier, pratesty tolki pašyrylisia, i ciapier niezadavolenyja patrabujuć pavyšeńnia zarobkaŭ i adstaŭki prezidenta.
Siarod niezadavolenych šmat prychilnikaŭ byłoha prezidenta Eva Maralesa, jany pierakryli klučavyja darohi, zabłakavaŭšy pastaŭki praduktaŭ charčavańnia, paliva i miedykamientaŭ u mnohija rehijony, uklučajučy stalicu Ła-Pas.