U Pinskim rajonie matacyklist z pasažyrkaj trapili pad ciahnik

U ahraharadku Małatkovičy Pinskaha rajona pozna ŭviečary 30 červienia adbyłasia avaryja sa śmiarotnym vynikam na čyhunačnym pierajeździe — matacykł sutyknuŭsia z pasažyrskim ciahnikom.

Skrynšot ź videa

27‑hadovy kiroŭca matacykła «Minsk», jaki nie mieŭ prava kiravańnia transpartnymi srodkami, ruchaŭsia pa vulicy Marozava. Pry pierasiačeńni čyhunačnaha pierajezda na pierahonie Pinsk — Juchnavičy jon, jak miarkujecca, vyjechaŭ na zabaranialny sihnał śviatłafora, paśla čaho adbyłosia sutyknieńnie z pasažyrskim ciahnikom.

U vyniku avaryi kiroŭca zahinuŭ na miescy zdareńnia. Jahonaja 22‑hadovaja pasažyrka atrymała traŭmy i była dastaŭlena ŭ balnicu.

Kamientary da artykuła