Kolkaść zahinułych u vyniku ŭdaru pa Kijevie vyrasła da 30‑ci
Jašče niekalki cieł dastali z-pad zavałaŭ šmatpaviarchovaha doma.
Unačy 2 lipienia Rasija ŭdaryła pa Ukrainie dronami i balistyčnymi rakietami. Bolšaść ź ich lacieła pa Kijevie. Ukrainskaja SPA źniščyła 524 z 570 zapuščanych, ale 25 balistyčnych rakiet i 12 udarnych dronaŭ źbić nie ŭdałosia.
Adna z rakiet trapiła ŭ šmatpaviarchovy dom u Darnickim rajonie Kijeva. Abrynuŭsia padjezd doma, zahinuli ludzi.
Unačy z-pad zavałaŭ dastali cieły jašče troch zahinułych — takim čynam kolkaść zahinułych vyrasła da 30, paviedamiła Dziaržaŭnaja słužba Ukrainy pa nadzvyčajnych situacyjach.
Bolš za sotniu čałaviek byli paranienyja.