Zołatavalutnyja reziervy Biełarusi skaracilisia da minimumu za hod
Pa stanie na 1 lipienia zołatavalutnyja reziervy Biełarusi skłali 14 miljardaŭ 156 miljonaŭ dalaraŭ, paviedamiŭ Nacyjanalny bank. Heta samy nizki pakazčyk z pačatku 2026 hoda. Raniejšy minimum byŭ zafiksavany 1 studzienia — 14 miljardaŭ 423 miljonaŭ dalaraŭ.
Zdymak ilustracyjny. Fota: magnific.com
Za červień suma mižnarodnych reziervaŭ źmienšyŭsia amal na 882 miljony dalaraŭ. Pavodle infarmacyi Nacyjanalnaha banka, asnoŭnaj pryčynaj stała źnižeńnie suśvietnych cen na zołata.
Na praciahu miesiaca zołata patańnieła prykładna na 12% — z kala 4500 da 4000 dalaraŭ za uncyju. Analityki źviazvajuć heta z umacavańniem dalara ZŠA i źnižeńniem napružanaści na Blizkim Uschodzie, što taksama paŭpłyvała na košt nafty.
U toj ža čas valutnaja častka reziervaŭ za červień pavialičyłasia na 24,5 miljonaŭ dalaraŭ. Mahčyma, heta źviazana z pakupkaj zamiežnaj valuty na ŭnutranym rynku.
Pavodle apošnich apublikavanych danych, u mai prapanova valuty ŭ Biełarusi pieravyšała popyt amal na 178 miljonaŭ dalaraŭ. Najbolšy ŭkład u heta ŭnieśli fizičnyja asoby, jakija pradali valuty na 310,5 miljonaŭ dalaraŭ bolš, čym nabyli.
Čytajcie taksama:
Šviecyja, dzie amal admovilisia ad najaŭnych hrošaj, viartaje ich u paŭsiadzionnaje žyćcio
Za biełaruskuju manietu naminałam 50 rubloŭ prosiać 2150 dalaraŭ