Raptoŭna pamior sienatar Lindsi Hrem, hałoŭny łabist sankcyj suprać Rasii
Amierykanski sienatar Lindsi Hrem pamior 11 lipienia. Paviedamlajecca, što jaho nie stała paśla niepraciahłaj i raptoŭnaj chvaroby. Hremu byŭ 71 hod.
Lindsi Hrem na vytvorčaści ŭkrainskich dronaŭ SkyFall
Pryčynaj śmierci sienatara staŭ sardečny prystup, paźniej paviedamili NBC News. Jon pamior u svaim domie ŭ Vašynhtonie.
Lindsi Hrem naradziŭsia ŭ 1955 hodzie ŭ maleńkim haradku Sientrał, Paŭdniovaja Karalina. Nacyjanalnuju viadomaść atrymaŭ u 1998 hodzie padčas pracedury impičmientu Biłu Klintanu. Vosiem hadoŭ byŭ u Pałacie pradstaŭnikoŭ ZŠA, z 2002 hoda — sienatar ad Paŭdniovaj Karaliny.
Hrem viadomy svajoj nieprymirymaj pazicyi da Rasii, jakuju jon ličyŭ pahrozaj jašče z vajny 2008 hoda z Hruzijaj. Paśla anieksii Kryma ŭ 2014‑m patrabavaŭ sankcyj suprać Rasii. Z pačatkam poŭnamaštabnaj vajny va Ukrainie zajaviŭ, što Pucina treba likvidavać lubymi sposabami — za heta Rasija ŭniesła jaho ŭ rejestr ekstremistaŭ. Prasoŭvaŭ zakon pra 500%-yja myty dla krain, jakija kuplajuć rasijskija enierharesursy.
Hrem aktyŭna padtrymlivaje Ukrainu, źviazvajučy heta i z redkaziamielnymi resursami krainy.
Dniami sienatar naviedvaŭ vytvorčaść ukrainskich dronaŭ SkyFall, dzie jamu pakazali bombiery Vampire, FPV-drony Shrike i pierachopniki «Šachiedaŭ» P1-SUN. Hrem nazvaŭ pradpryjemstva zvyšsučasnym i zajaviŭ, što dla ZŠA było b vialikaj pamyłkaj nie supracoŭničać z Ukrainaj u śfiery bieśpiłotnikaŭ.