Kiraŭnik CRU: Siaredniaja praciahłaść žyćcia rasijskaha navabranca paśla prybyćcia na pole boju — 20‑30 chvilin
Pryčynaj tamu jon nazvaŭ ukrainskija drony z štučnym intelektam.
Skrynšot videa
Kiraŭnik CRU Džon Retklif zajaviŭ, što rasijskija sałdaty žyvuć na poli boju ŭ siarednim usiaho 20‑30 chvilin z-za ŭkrainskich udarnych bieśpiłotnikaŭ z štučnym intelektam.
«Našy raźvieddanyja supadajuć ź niekatorymi paviedamleńniami z adkrytych krynic, jakija vy, mahčyma, bačyli va Ukrainie: siaredniaja praciahłaść žyćcia rasijskaha navabranca prosta ciapier, paśla prybyćcia na pole boju va Ukrainie, aceńvajecca ŭ miežach ad 20 da 30 chvilin», — zajaviŭ Retklif Samicie pa pytańniach abarony i inavacyj u Piensilvanii, cytuje jaho Bloomberg.
Kiraŭnik CRU patłumačyŭ heta tym, što bieśpiłotniki z elemientami štučnaha intelektu pieratvarylisia ŭ vysokaśpiecyjalizavanyja, tannyja i nadzvyčaj efiektyŭnyja srodki paražeńnia.
Raniej takaja infarmacyja źjaŭlałasia ŭ ananimnym ruskamoŭnym telehram-kanale sa spasyłkaj na daśledavańni, jakija nie nazyvalisia. Niekatoryja ekśpierty pastavili jaje pad sumnieŭ.