FIFA vyklučyła mahčymaść pieranosu finału čempijanatu śvietu z-za lasnych pažaraŭ u Kanadzie
Pazicyja FIFA zastajecca niaźmiennaj.
Stadyjon «Mietłajf» u Ist-Ruterfordzie, fota: Seth Wenig / AP
FIFA paćvierdziła, što nie maje namieru pieranosić finalny matč čempijanatu śvietu 2026 hoda, niahledziačy na zadymleńnie ŭ rajonie Ńju-Jorka i Ńju-Džersi z-za lasnych pažaraŭ u Kanadzie, paviedamlaje Bloomberg.
Raniej źjaŭlalisia paviedamleńni pra mahčymy pieranos finału, u jakim pavinny sustrecca zbornyja Ispanii i Arhienciny, adnak heta nie adpaviadaje ciapierašniaj pazicyi fiederacyi.
U FIFA padkreślivajuć, što ŭ vypadku pahrozy zdaroŭju ŭdzielnikaŭ turniru dziejničajuć zaćvierdžanyja pratakoły, jakija dazvalajuć apieratyŭna acanić situacyju i pryniać rašeńnie ab karekciroŭcy farmatu praviadzieńnia matčaŭ.
Pazicyja FIFA zastajecca niaźmiennaj: pieranos finału čempijanatu śvietu 2026 hoda nie płanujecca.
Matč Ispanija — Arhiencina adbudziecca zaŭtra 19 lipienia na stadyjonie ŭ Ńju-Džersi (ZŠA). Pačatak — a 22:00 pa Minsku.
Siońnia apoŭnačy projdzie matč za treciaje miesca: Anhlija — Francyja.