Ukraina naniesła ŭdary pa 13‑ci sudnach u Azoŭskim i Čornym morach

Hienieralny štab Uzbrojenych sił Ukrainy paviedamiŭ, što ŭnočy 18 lipienia, akramia atak na składy Wildberries u Maskoŭskaj i Tamboŭskaj abłaściach, byli naniesienyja ŭdary pa šerahu abjektaŭ na terytoryi Rasii i akupavanych ukrainskich rehijonach.

Zdymak ilustracyjny

Pavodle paviedamleńnia ŭkrainskaha boku, adnoj z celaŭ stała naftabaza ŭ Nahinsku Maskoŭskaj vobłaści. U Kijevie śćviardžajuć, što paśla traplańnia na terytoryi pradpryjemstva adbyŭsia pažar. Pavodle ŭkrainskaha kamandavańnia, hety abjekt vykarystoŭvajecca dla zachoŭvańnia i pastavak paliva, u tym liku dla patreb rasijskich vajskoŭcaŭ.

Akramia taho, kamandujučy Siłami bieśpiłotnych sistem Ukrainy Robiert Broŭdzi («Madziar») zajaviŭ, što ŭ Čornym i Azoŭskim morach byli naniesienyja ŭdary pa 13 rasijskich sudnach. Pavodle jaho słoŭ, siarod ich — suchahruznyja sudny, tankiery, płyvučyja krany i buksirny katar. Ukrainski bok śćviardžaje, što hetyja sudny vykarystoŭvalisia dla pieravozki naftapraduktaŭ i zabieśpiačeńnia marskoj łahistyki.

Taksama Hienštab Ukrainy paviedamiŭ pra paškodžańnie vartavoha karabla prajekta «Śviatlak» u Kierčy. Pavodle zajavy ŭkrainskaha boku, heta ŭžo druhi karabiel takoha typu, jaki byŭ atakavany za apošnija dva dni.

Jašče adnoj cellu, pavodle paviedamleńnia Hienštaba USU, staŭ čyhunačny most praz raku Biełaja ŭ rajonie Sabaŭki na akupavanaj terytoryi Łuhanskaj vobłaści. U Kijevie śćviardžajuć, što hety most vykarystoŭvaŭsia dla vajennaj łahistyki rasijskich vojskaŭ.

Kamientary da artykuła