Rasijanie nanieśli rakietny ŭdar pa paštovym terminale pad Charkavam. Jość zahinułyja
Unočy 19 lipienia rasijskija vajskoŭcy nanieśli sieryju ŭdaraŭ pa abjektach łahistyčnaj infrastruktury Ukrainy. Pad atakaj apynulisia paštovyja terminały i składskija kompleksy ŭ Charkaŭskaj i Kijeŭskaj abłaściach.
Najbolš trahičnyja nastupstvy zafiksavanyja ŭ pryharadzie Charkava, dzie pad udar patrapiŭ paštovy terminał.
Pavodle infarmacyi kiraŭnika Charkaŭskaj abłasnoj administracyi Aleha Siniahubava, u vyniku ŭdaru try čałavieki zahinuli na miescy, adzin čałaviek paźniej pamior ad traŭm. Jašče 20 čałaviek atrymali ranieńni roznaj stupieni ciažkaści, stan niekatorych — ciažki.
U samim Kijevie pad udar patrapiŭ terminał kampanii «Novaja pošta». Akramia taho, u Bučanskim rajonie Kijeŭskaj vobłaści byŭ atakavany bujny składski kompleks.