Łukašenka pravioŭ kadravyja pryznačeńni ŭ struktury KDB
Taksama budzie ŭzmocniena rola dziaržsakratara.
Łukašenka siońnia pravioŭ kadravyja pryznačeńni ŭ struktury KDB, paviedamlaje BiełTA.
Taksama jon zzrabiŭ asablivy akcent na ŭzmacnieńni kaardynujučaj roli Dziaržsakrataryjata Rady biaśpieki i asabista dziaržaŭnaha sakratara.
«Ja chaču, kab vy razumieli: rola dziaržaŭnaha sakratara i dziaržsakrataryjata budzie ŭzmocniena. Vidavočna, što jość detali i niuansy (heta staršynia KDB viedaje), jakija dakładajucca tolki prezidentu. Źniešniaja raźviedka, ahientura, rezidentura i inšaje. Heta pavinien viedać tolki prezident. Heta nie pavinna raspaŭsiudžvacca, razychodzicca i hetak dalej. Jość śpiecyfičnyja pytańni, pa jakich dakładajecca infarmacyja i atrymlivajecca zhoda abo zaćviardžeńnie, abo niejkaja zadumka, niejkaja prahrama», — skazaŭ Łukašenka.
«Ale arhanizacyjnyja, kadravyja pytańni, dzie treba niešta abmierkavać. Nu i nahladać za hetym pavinien dziaržaŭny sakratar i dziaržsakrataryjat. Tak, jak urad zajmajecca ministerstvami, tak dziaržsakrataryjat pavinien zajmacca ŭsimi siłavymi padraździaleńniami. I dakładać prezidentu», — dadaŭ jon.