Jubilej Karatkieviča adznačać vodnym pachodam ad Oršy da Rahačova
Ad Oršy pa Dniapry startavaŭ vodny pachod na katamaranach u honar jubileja piśmieńnika Ŭładzimira Karatkieviča. Pachod projdzie da Rahačova — radavoha kotlišča Karatkievičaŭ.
Pra heta paviedamiła dyrektarka aršanskaha muzieja Volha Paškovič, jakoj my dazvanilisia akurat padčas pachodu:
«Voś užo płyviem. Pakul nas šaściora, ale paźniej dałučacca jašče… U nas buduć sustrečy litaraturnyja. My idziem da pieršaj — da Laŭkoŭ, dzie lecišča Kupały, dzie muziej. Pieršaja sustreča siońnia tam budzie».
Akramia muziejnych rabotnikaŭ u pachodzie ŭdzielničajuć viadomy bard Andrej Mielnikaŭ i litaratar i pierakładčyk Vital Voranaŭ. Pachod raźličany na 5 dzion.
Nahadajem, što sioleta spaŭniajecca 80 hadoŭ z dnia naradžeńnia słavutaha tvorcy.