U Minsku ratavalniki buduć nieści dziažurstva na śpiecyjalna abstalavanych matacykłach

Jak paviedamiŭ ministr pa nadzvyčajnych situacyjach Envier Baryjeŭ na pres-kanfierencyi 20 lipienia, dla hetych metaŭ pieraabstalavanyja try matacykły, kožny — u adpaviednaści z asobnaj śpiecyjalizacyjaj. Pieršy matacykł abstalavany dla łakalizacyi pažaraŭ, druhi — śpiectechnikaj dla ratavańnia ludziej padčas DTZ, treci — miedycynskim abstalavańniem.

«Dziažurstva ratavalnikaŭ na matacykłach asabliva efiektyŭnaje ŭ haradskich umovach: jany manieŭranyja, darožnyja zatory nie stanuć dla ich pieraškodaj», — zaŭvažyŭ Baryjeŭ.

Pavodle słoŭ ministra, Biełaruś adnoj ź pieršych pačała zajmacca pieraabstalavańniem matacykłaŭ dla vykanańnia ratavalnych zadač. Z ulikam atrymanaha vopytu vykarystać matacykły ŭ pierśpiektyvie płanujecca i ŭ inšych bujnych haradach krainy.

Siarhiej Karalevič, BiełaPAN.

Kamientary da artykuła