U Łunincy kot vypadkova traŭmavaŭ matacyklista

56-hadovy matacyklist paciarpieŭ u Łunincy ŭ vyniku DTZ, jakoje adbyłosia z-za čornaha kata, što raptoŭna vybieh na darohu.

Jak paviedamiła BiełaPAN načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, avaryja adbyłasia dniom 23 žniŭnia na adnoj z vulic rajcentra. Miascovy žychar, kirujučy matacykłam «MMVZ», zaŭvažyŭ kata, jaki pierabiahaŭ prajeznuju častku, pasprabavaŭ zatarmazić, kab abjechać jaho, ale nie spraviŭsia z kiravańniem i ŭpaŭ. Ź pierałomam pravaj klučycy mužčyna špitalizavany ŭ Łuninieckuju centralnuju rajonnuju balnicu.

Kot u vyniku DTZ nie paciarpieŭ, paviedamiła Sacharčuk. Jana adznačyła, što darožna-transpartnaje zdareńnie, vinoŭnikam jakoha staŭ kot, zafiksavana ŭ Bresckaj vobłaści ŭpieršyniu.

Kamientary da artykuła