25 žniŭnia – Dzień adnaŭleńnia niezaležnaści Biełarusi

Na siońnia prypadajuć 19-ja ŭhodki jurydyčnaha adnaŭleńnia niezaležnaści Biełarusi. 25 žniŭnia 1991 hoda Viarchoŭny Saviet BSSR nadaŭ Dekłaracyi ab dziaržaŭnym suvierenitecie Biełarusi status kanstytucyjnaha zakona.

Heta adbyłosia paśla parazy žnivieńskaha putču ŭ Maskvie. Pad ciskam deputackaj Apazicyi BNF na čale ź Zianonam Paźniakom prakamunistyčnaja bolšaść Viarchoŭnaha Savieta prahałasavała za niezaležnaść Biełarusi ad Maskvy.

Nahadajem, što kančatkova razvał Savieckaha Sajuza byŭ aformleny padpisańniem Biełaviežskich pahadnieńniaŭ u śniežni 1991 hoda. Biełaruś stała niezaležnaj dziaržavaj.

Voś jak apisvaje apošnija chviliny pierad znakavym hałasavańniem Siarhiej Navumčyk u svajoj knizie «Siem hadoŭ Adradžeńnia, albo frahmenty najnoŭšaj biełaruskaj historyi (1988–1995)».

Paźniak iznoŭ biare słova i pa punktach začytvaje prajekt, padrychtavany deputatami Apazycyi BNF, «jakaja ŭ peŭnaj stupieni ŭdakładniaje tyja zaŭvahi, jakija nam vykazaŭ šanoŭny deputat Bułachaŭ. Prajekt Apazycyi, darečy, praduhledžvaje i " nulavy varyjant» ŭ dačynieńni da " ahulnasajuznaj " ułasnaści, i stvareńnie kamitetu pa vyznačeńni doli respublik-pravapierajemnicaŭ SSSR u abaviazalnictvach i ŭłasnaści (paźniej adzinaj pravapierajemnicaj abvieścić siabie Rasieja, zabraŭšy i załaty, i ałmazny zapas, i ŭsiu majomaść za miažoj).

Ale suprać vystupiŭ deputat Viktar Hančar, zajaviŭšy — " čto kasajetsia raźviornutych priedłožienij Oppozici, to eto užie voprosy, otnosiaŝijesia k miechanizmu riealizaci Diekłaracii o suvierienitietie».

prapanovy, bo, prahałasavanyja kanstytucyjna, jany b praź niekalki miesiacaŭ abaviazali i Šuškieviča, i kiraŭnika ŭradu Kiebiča, i ministra zamiežnych spraŭ Kraŭčanku na sustrečy ŭ Ałma-Acie ŭ śniežni 1991-aha i inšych samitach patrabavać doli

Biełarusi ŭ " ahulnasajuznaj» majomaści; mahčyma, i ŭ struktury raspracoŭki nafty i hazu.

Pačynajecca hałasavańnie. " Za» hałasujuć 253 deputaty z 265 prysutnych (dla stanoŭčaha rašeńnia treba było 232, dźvie traciny ad ahulnaj kolkaści abranych deputataŭ).

U 20 hadzin 08 chvilinaŭ Biełaruś viartaje Niezaležnaść. Spraŭdžvajecca mara pakaleńniaŭ zmaharoŭ za svabodu biełaruskaha naroda.

Litaralna na nastupnyja dni pačalisia abvinavačvańni z boku roznych pramaskoŭskich liberałaŭ, što, maŭlaŭ, kamunisty " skarystali»

BNF, kab zachavacca pry ŭładzie, pahadziŭšysia prahałasavać za Niezaležnaść i tym samym utvaryć " kamunistyčny zapaviednik». Realnaść ža była inšaj — jakraz deputaty Apazycyi BNF skarystali razhublenaść kamunistaŭ, kab dasiahnuć najvialikšaj mety, za jakuju pakaleńni biełarusaŭ płacili žyćciami. Była adnoŭlenaja Niezaležnaść, faktyčna, utvaryłasia novaja dziaržava. Usio astatniaje pierad hetaj metaj vyhladaje druhasnym.

Kamientary da artykuła