Pradprymalnikam dazvolać najmać pracaŭnikoŭ
Takaja mahčymaść u ich źjavicca paśla pryniaćcia dyrektyvy № 4.
U Biełarusi indyvidualnym pradprymalnikam dazvolać brać na pracu najomnych supracoŭnikaŭ.
Takaja mahčymaść u ich źjavicca paśla pryniaćcia dyrektyvy № 4 prezidenta Biełarusi (kaardynavalnym orhanam pa raspracoŭcy jaje prajektu źjaŭlajecca Minekanomiki), skiravanaj na dalejšuju libieralizacyju ekanomiki.
«U budučaj dyrektyvie budzie ŭtrymlivacca šerah, na naš pohlad, revalucyjnych momantaŭ», — adznačyŭ namieśnik ministra ekanomiki Andrej Tur na kanfierencyi
Jak paviedamiŭ namieśnik ministra, dakumientam buduć uviedzienyja normy, źviazanyja z amnistavańniem kapitałaŭ, svabodnym rehulavańniem rynku pracy i ŭstalavańniem zarabotnaj płaty. Akramia taho, subjektam haspadarańnia z kolkaściu supracoŭnikaŭ da 100 čałaviek budzie dadzienaja mahčymaść pierachodu na sproščanuju sistemu padatkaabkładańnia. Na siońniašni dzień takaja forma padatkovaj spravazdačnaści dastasoŭnaja da pradpryjemstvaŭ z kolkaściu da 15 supracoŭnikaŭ.
Akramia taho, płanavanym da padpisańnia dakumientam budzie ŭviedzieny maratoryj na pravierku dziejnaści pradpryjemstva ŭ pieršyja 5 hadoŭ jaho pracy, a ŭ indyvidualnych pradprymalnikaŭ źjavicca mahčymaść brać na pracu najomnych supracoŭnikaŭ.