Navalnica ŭ Łahojsku

Z daždžom, ahniom, Volskim i Hrebienščykovym.

27 i 28 žniŭnia ŭ Łahojsku hrymieła «Navalnica». Mienavita tak nazyvajecca fiestyval muzyki i fiejervierkaŭ, jaki adbyŭsia tut užo ŭ druhi raz.

Pačynałasia ŭsio z daždžu...

... a praciahnułasia ahniom!

Pieršy subotni fiejervierk.

Na scenie "Krambambula".

Volski tradycyjna skaryŭ hledačoŭ.

Bližej nočy la sceny sabrałasia niekalki tysiač čałaviek.

Barys Hrebienščykoŭ.

"Akvaryum". Šmat chto pryjechaŭ u Łahojsk mienavita dziela jaho.

Sioletniaja «Navalnica» dobra nahadvała adnajmiennuju pryrodnuju źjavu. Asabliva ŭ pieršy dzień, kali amal na praciahu ŭsiaho viečara išoŭ doždž. Tamu šmat chto z uładalnikaŭ dvuchdzionnych kvitkoŭ vyrašyŭ pieranieści naviedvańnie Łahojska na subotu.

I nie prahadaŭ. U druhi dzień festu doždž tolki napačatku psavaŭ nastroj — užo padčas vystupu pieršaj ahniavoj kamandy nieba amal prajaśniłasia.

A kali na scenu vyjšaŭ Lavon Volski z «Krambambulaj», kab prezientavać novy maksi-sinhł, to mała što sonca nie vyhlanuła — nastolki pazityŭnym byŭ vystup hurtu. Biez sumnievu, «Krambambula» novymi pieśniami nie pakinie na čutkach ab razvale kamiania na kamiani.

Paśla Volskaha byli novyja fiejervierki, Barys Hrebienščykoŭ i hurt «Akvaryjum» i jašče šmat-šmat ahniu, dymu i vybuchaŭ u niebie.

«Navalnica» spadabałasia dobrazyčlivaj achovaj, adsutnaściu pjanych i nadzvyčaj pryjemnaj publikaj. Da minusaŭ fiestyvalu možna adnieści chiba što abmiežavanaść u pieramiaščeńni pa terytoryi dla tych, chto mieŭ kvitok tolki na adzin dzień dy zvyčajnyja ŭžo dla takich mierapryjemstvaŭ transpartnyja prablemy. A taksama adsutnaść siarod kamand-kankursantaŭ pradstaŭnikoŭ Biełarusi. Palaki, litoŭcy i rasijanie — heta ŭsio našy susiedzi i cudoŭna, što jany pryjazdžajuć u Biełaruś. Adnak biełaruski fiestyval biez udziełu biełarusaŭ — heta jak minimum dziŭna.

Kamientary da artykuła