Spravu pra napad na ambasadu Rasii pierakvalifikavali
Šeść čałaviek zatrymanyja ŭ ramkach kryminalnaj spravy, jakaja zaviedzienaja pavodle artykułu «padpał».
«Šeść čałaviek zatrymany ŭ ramkach kryminalnaj spravy, jakaja zaviedziena pavodle artykułu «padpał», — zajaviŭ načalnik presavaj słužby mienskaj milicyi Alaksandar Łastoŭski.
Raniej pradstaŭniki MUS kazali, što kryminalnaja sprava zaviedziena pavodle artykułu «chulihanstva».
Pavodle Kryminalnaha kodeksu Biełarusi, maksymalnaje pakarańnie za chulihanstva — 3 hady pazbaŭleńnia voli. Za padpał — da vaśmi hadoŭ źniavoleńnia.
3 vieraśnia supracoŭniki siłavych strukturaŭ zatrymali šaścioch aktyvistaŭ anarchisckaha ruchu pa spravie ab vybuchu kala rasiejskaj ambasady.
Imiony zatrymanych:
Ihar Bahačak
Valeryja Chocina
Siarhiej Ślusar
Mikałaj Dziadok
Alaksiej Žynhieroŭcki
Usie zatrymanyja znachodziacca ŭ turmie na vulicy Akreścina.
Maksymalny termin zatrymańnia biez pradjaŭleńnia abvinavačvańnia ŭ Biełarusi składaje 72 hadziny. Prakuror moža padoŭžyć hety termin da 10 sutak.
Incydent la rasiejskaj ambasady ŭ Miensku adbyŭsia ŭviečary 30 žniŭnia.
Nieviadomyja kinuli na terytoryju ambasady «kaktel mołatava». U vyniku zhareła mašyna dyplamatyčnaha pradstaŭnictva.
2 vieraśnia anarchisckaja supołka «Siabry svabody» ŭziała na siabie adkaz za napad na ambasadu Rasiei. Aŭtary zvarotu, źmieščanaha ŭ internecie, patłumačyli, što akcyja praviedzienaje na znak padtrymki abaroncaŭ Chimkinskaha lesu, što pad Maskvoj.