Maładaja mama dadała ŭ małočnuju sumieś harełku — dzicia pamierła
Jak paviedamiŭ staršy śledčy śledčaha adździeła prakuratury Bresckaj vobłaści Alaksandr Dzienisovič, 29 žniŭnia a 9-j viečara
18-hadovaja maci, žycharka adnoj ź viosak, dadała ŭ małočnuju sumieś dla karmleńnia trochmiesiačnaj dački prykładna 10 hramaŭ harełki i dała hetu sumieś dziciaci.
Paśla taho jak žančyna ŭbačyła, što dziaŭčynka nie dychaje, jana vyklikała miedykaŭ. Sudova-miedycynskaj ekśpiertyzaj ustanoŭlena, što śmierć dziciaci nastupiła ad atručeńnia etyłavym śpirtam.
U dačynieńni da žančyny 8 vieraśnia raspačata sprava pa č. 1 art. 144 Kryminalnaha kodeksa (pryčynieńnie śmierci pa nieaściarožnaści).
Pavodle słoŭ maci, jana dumała, što ŭ jaje dziaŭčynki hlisty,
i chacieła palačyć dzicia takim narodnym sposabam, pra jaki niedzie čuła.
Žančyna zamužam. Heta druhoje jaje dzicia. Starejšamu — try hady.