Žančyna zastałasia biez noh, trapiŭšy pad kambajn na kukuruzie

Biespracoŭnaja žančyna 1956 hoda naradžeńnia zastałasia biez noh, trapiŭšy pad kambajn na kukuruznym poli pad Salihorskam.

Jak paviedamiŭpres-sakratar Ministerstva pa nadzvyčajnych situacyjach Vital Navicki, niaščasny vypadak adbyŭsia 11 vieraśnia. Pavodle jaho słoŭ, žančyna źbirała kukuruzu «dla asabistych metaŭ» na poli SVK «Krasnadvorcy». Jana nie zaŭvažyła kambajn «Paleśsie-80», jaki pravodziŭ uborku hetaj sielhaskultury. U vyniku žančyna trapiła pad žniajarku.

U Salihorskaj centralnaj rajbalnicy daktaram pryjšłosia amputavać paciarpiełaj abiedźvie halonki. Ciapier žančyna ŭ stanie traŭmatyčnaha šoku znachodzicca ŭ adździaleńni reanimacyi. Jaje stan aceńvajecca jak ciažki.

Pavodle słoŭ Navickaha, padobnyja zdareńni adbyvajucca ŭ Biełarusi štohod. Ich achviarami stanoviacca ludzi, jakija kraduć kukuruzu na kałhasnych palach, u asnoŭnym piensijaniery abo asoby ŭ stanie ałkaholnaha apjanieńnia.

Kamientary da artykuła