U Rečyckim rajonie zahinuła 9-hadovaja dziaŭčynka, jakaja vypała z kabiny traktara

U Rečyckim rajonie 20 listapada z kabiny traktara vypała dzieviacihadovaja dziaŭčynka i atrymała traŭmy, ad jakich pamierła pry dastaŭleńni ŭ balnicu.

Jak paviedamili ŭ adździaleńni prapahandy i prafiłaktyki UDAI UUS Homielskaha abłvykankama, trahiedyja zdaryłasia ŭ vioscy Vyšamir. Padčas ruchu traktara «T-16», jakim kiravaŭ vadziciel 1966 hoda naradžeńnia, pry pavarocie na skryžavańni vulic z kabiny vypała dziaŭčynka.

Heta nie adzinaje DTZ sa śmiarotnym kancom, jakoje adbyłosia ŭ toj dzień u rajonie. 29-hadovy vadziciel aŭtamabila «Aŭdzi», ruchajučysia pa aŭtadarozie Rečyca — Łojeŭ, učyniŭ najezd na dźviuch 16-hadovych dziaŭčat, jakija pierasiakali prajeznuju častku ŭ nieŭstanoŭlenym miescy. U vyniku DTZ adna ź dziaŭčat ad atrymanych traŭmaŭ pamierła pry dastaŭleńni ŭ balnicu, druhaja atrymała cialesnyja paškodžańni.

Usiaho za vychadnyja na terytoryi Homielskaj vobłaści było zarehistravana 67 DTZ, ź ich vosiem — z paciarpiełymi. U Jelskim rajonie ŭ avaryi była traŭmavana 22-hadovaja pasažyrka aŭtamabila, jakaja pamierła ŭ balnicy. U Mazyry 26-hadovy vadziciel aŭtamabila «BMV-725» učyniŭ najezd na piešachoda, 67-hadovuju žančynu, jakaja pamierła na miescy zdareńnia.

Kamientary da artykuła