Milicyja: Masavyja akcyi na Płoščy byli zabaronieny i ŭ 2006-m
Pra heta siońnia paviedamiŭ žurnalistam namieśnik ministra ŭnutranych spraŭ Jaŭhien Połudzień.
Pra heta siońnia paviedamiŭ žurnalistam namieśnik ministra ŭnutranych spraŭ Jaŭhien Połudzień.
Namieśnik ministra nahadaŭ, što jašče ŭ śniežni 1998 hoda Minharvykankam abjaviŭ Kastryčnickuju płošču historyka-kulturnaj kaštoŭnaściu i zabaraniŭ praviadzieńnie na joj masavych mierapryjemstvaŭ.
A jak ža, u takim vypadku, inaŭhuracyi kiraŭnika dziaržavy ŭ 2001-m i 2006-m, jak ža narodnyja hulańni na Novy hod?
Akramia taho, 19 listapada hetaha hoda staličnymi ŭładami pryniata rašeńnie, jakoje rehłamientuje pieradvybarčuju ahitacyju. Zhodna z hetym dakumientam, ahitavać vybarščykaŭ možna praktyčna ŭsiudy, za vyniatkam niekatorych miescaŭ, u pryvatnaści Kastryčnickaj płoščy,
a taksama płoščaŭ Niezaležnaści, Pieramohi i imia Jakuba Kołasa.
Jaŭhien Połudzień padkreśliŭ, što za praviadzieńnie niesankcyjanavanych masavych mierapryjemstvaŭ praduhledžana administracyjnaja adkaznaść pa art.23.34 KoAP Biełarusi, jakaja praduhledžvaje dla ŭdzielnikaŭ takich akcyj štraf pamieram da 30 bazavych vieličyń (1 młn 50 tys. rubloŭ), dla arhanizataraŭ -- da 40 bazavych vieličyń (1 młn 400 tys. rubloŭ). Za paŭtorny ŭdzieł u takich mierapryjemstvach praduhledžany štraf u pamiery ad 20 da 50 bazavych vieličyń, paviedamlaje BIEŁTA.
A kali niechta nie pasłuchajecca, što tady? Milicyja budzie skardzicca Jarmošynaj. Jak paviedamiŭ namieśnik ministra,
kali ž usio-taki chto-niebudź z kandydataŭ budzie ŭdzielničać u niesankcyjanavanych akcyjach, milicyja budzie paviedamlać pra heta ŭ Centrvybarkam,i CVK, u svaju čarhu, budzie vyrašać prymać miery ci nie.