Probnaja prapampoŭka nafty dla Biełarusi pa trubapravodzie Adesa — Brody zavieršana
Jak paviedamiŭ načalnik upraŭleńnia źniešnieekanamičnaj dziejnaści kampanii «Ukrtransnafta» Michaił Kraŭčanka, prapampoŭka zaviaršyłasia 23 listapada ŭ 23.40 i «prajšła paśpiachova».
Kraŭčanka nie skazaŭ, kali adbudziecca nastupnaja prapampoŭka, adznačyŭšy, što heta zaležyć ad zamoŭcy — Biełaruskaj naftavaj kampanii.
Aviersnaja prapampoŭka nafty pa trubapravodzie Adesa — Brody z vykarystańniem mahistralnaha naftapravoda «Družba» dla pastaŭki nafty na Mazyrski NPZ pačałasia 20 listapada. Terminał «Paŭdniovy», jaki znachodzicca ŭ marskim porcie Adesy, 18 listapada pačaŭ razhruzku tankiera z naftaj, pryznačanaj dla aviersnaj prapampoŭki pa Adesa — Brody. Pavodle źviestak «Ukrtransnafty», zakuplenaja na ŭmovach svop partyja składaje 80 tys. ton, uładalnikam resursu vystupaje Biełaruskaja naftavaja kampanija. Padčas probnaj prapampoŭki pa Adesa — Brody była pastaŭlena rasijskaja nafta marki Urals pavodle kantrakta na ŭmovach svop, zaklučanaha pamiž Biełaruskaj naftavaj kampanijaj i PDVSA (Vieniesueła).