Cyhankoŭ: Uražańnie, što niekatorych kandydataŭ chapaje tolki na adzin vystup
Što da paŭtoraŭ [dublavańnia tele- i radyjovystupaŭ], to, jak vyhladaje, kamandy kandydataŭ vyrašajuć paśla kožnaha vystupu, što ichnyja zvaroty mieli tolki stanoŭčy efekt i vyrašajuć, što ŭ ich niama čaho mianiać. Taksama kandydaty, badaj, vyrašajuć, što kali niechta nie pabačyŭ ich pa telebačańni, to paśla rozhałasu, vyklikanaha pieršym vystupam, jon abaviazkova pasłuchaje radyjozvarot.
Na moj pohlad, heta niedapracoŭka. Faktyčna paśla kožnaha vystupu kandydataŭ razhortvajecca davoli vialikaja dyskusija ŭ Internecie. Vykazvajucca krytyčnyja i stanoŭčyja mierkavańni pra tekst kandydata. Kandydaty mahli padpravić svaje słabyja momanty, i składajecca ŭražańnie, što ŭ kamand niekatorych kandydataŭ sił chapiła tolki na adzin vystup, i mienavita tamu jany vyrašyli ničoha nie mianiać i druhoha nie rychtavać.