Milicyja pierachodzić na ŭzmocnieny režym
Z 13 pa 21 śniežnia na čas prezidenckich vybaraŭ.
Orhany ŭnutranych spraŭ Biełarusi z 13 pa 21 śniežnia buduć pracavać va ŭzmocnienym režymie ŭ suviazi z prezidenckimi vybarami.
«Kiraŭnik MUS Anatol Kulašoŭ padpisaŭ zahad ab pierachodzie orhanaŭ unutranych spraŭ na ŭzmocnieny varyjant niasieńnia słužby z 13 śniežnia da 21 śniežnia ŭ suviazi z prezydenckimi vybarami», — paviedamili ahienctvu Interfaks u MUS.
Jak raniej zajaŭlaŭ žurnalistam namśnik ministra ŭnutranych spraŭ Jaŭhien Połudzień, «orhany ŭnutranych spraŭ Biełarusi hatovyja zabiaśpiečyć pravaparadak padčas prezidenckaj vybarčaj kampanii». Pry hetym jon padkreśliŭ, što «aburalnych faktaŭ parušeńnia pravaparadku za čas prezidenckaj pieradvybarčaj kampanii ŭ Biełarusi pakul nie było».
«Spadziajusia, što ich nie budzie. Situacyja ŭ krainie stabilnaja, jana dazvalaje padtrymlivać pravaparadak».