Śpis sacyjałahičnych słužb, jakija majuć prava pravodzić apytańni nakont vybaraŭ prezidenta

Centralnaja vybarčaja kamisija apublikavała śpis sacyjałahičnych słužb, jakija majuć prava pravodzić apytańni, jakija adnosiacca da vybaraŭ prezidenta Biełarusi.

U śpis, raźmieščany na sajcie CVK, uklučana dzieviać arhanizacyj:

— Instytut sacyjałohii Nacyjanalnaj akademii navuk Biełarusi;

— Infarmacyjna-analityčny centr pry Administracyi prezidenta Respubliki Biełaruś;

— Mahiloŭski instytut rehijanalnych sacyjalna-palityčnych daśledavańniaŭ;

— Łabaratoryja prykładnych sacyjałahičnych daśledavańniaŭ «Socyum» (Viciebsk);

— TAA «Miedyjafakt-Eka»;

— Centr sacyjałahičnych i palityčnych daśledavańniaŭ Biełaruskaha dziaržaŭnaha ŭniviersiteta;

— Respublikanski sajuz hramadskich abjadnańniaŭ «Biełaruski kamitet maładziožnych arhanizacyj»;

— TAA «Tejłar Nelsan Sofrez Ukraina»;

— TAA «Socys — Centr sacyjalnych i markietynhavych daśledavańniaŭ» (Ukraina).

7 śniežnia sakratar CVK Mikałaj Łazavik zajaviŭ, što ekzit-poły na prezidenckich vybarach zmohuć pravodzić try arhanizacyi —

analityčny centr «EkaoM», Respublikanski sajuz hramadskich abjadnańniaŭ «Biełaruski kamitet maładziožnych arhanizacyj» i kampanija «TNS-Ukraina».

«Pry Nacyjanalnaj akademii navuk isnuje kamisija, jakaja vydaje licenzii na praviadzieńnie sacyjałahičnych daśledavańniaŭ pa pytańniach sacyjalna-palityčnych daśledavańniaŭ i vybaraŭ. Hetaja kamisija ŭžo vydała try licenzii na praviadzieńnie ekzit-połaŭ padčas biahučaj vybarčaj kampanii», — skazaŭ pradstaŭnik CVK.

Kamientary da artykuła