Prezidenty nadta nie śpiašajucca vinšavać Łukašenku ź nieelehantnaj pieramohaj na vybarach
Śpikier Dziarždumy Barys Hryzłoŭ paabiacaŭ pavinšavać Alaksandra Łukašenku, jaki, pavodle papiarednich dadzienych, pieramoh na prezidenckich vybarach u Biełarusi, paśla apublikavańnia aficyjnych dadzienych biełaruskaha Centrvybarkama.
«Biezumoŭna, vinšavańnie budzie nakiravana, navat niama sumnievaŭ», — skazaŭ Hryzłoŭ na pasiadžeńni Dziarždumy ŭ aŭtorak u adkaz na prapanovu siabra frakcyi KPRF Uładzimira Ułasa nakiravać takoje vinšavańnie, piša hazieta.ru
Prezident Miadźviedzieŭ taksama pakul vinšavańnia Łukašenku nie nakiroŭvaŭ, a 20 śniežnia na sumiesnaj pres-kanfierencyi z prezidentam Łatvii Vałdzisam Zatlersam zajaviŭ, što vybary ŭ Biełarusi ŭnutranaja sprava Biełarusi.
Jak zajaviŭ Łukašenka ŭ intervju «Jeŭrańjus» jaho pavinšavali ź pieramohaj na vybarach prezidenty Kazachstana Nursułtan Nazarbajeŭ i Vienieseuły Uha Čavies i šerah inšych siabroŭ biełaruskaha narodu, u tym liku Michaił Saakašvili
Praŭda, na aficyjnym sajcie prezidenta Kazachstana (prynamsi, na ruskaj viersii) infarmacyi pra vinšavańnie Nazarbajevym Łukašenki niama.