Pucin pavinšavaŭ Miaśnikoviča

Staršynia ŭrada Rasijskaj Fiederacyi Uładzimir Pucin nakiravaŭ vinšavańnie Michaiłu Miaśnikoviču, pryznačanamu prem'jer-ministram Biełarusi. Pra heta paviedamiła pres-słužba rasijskaha ŭrada.

U telehramie, u pryvatnaści, havorycca: «Tradycyjna družalubnyja, sajuźnickija rasijska-biełaruskija adnosiny praciahvajuć paśpiachova raźvivacca. Našy krainy dasiahnuli istotnych vynikaŭ u intehracyjnym uzajemadziejańni. Bujnoj padziejaj staŭ zapusk Mytnaha sajuza, viadziecca płanamiernaja rabota pa stvareńni Adzinaj ekanamičnaj prastory».

«Vykazvaju ŭpeŭnienaść, što ŭrad, jaki vy ŭznačalvajecie, praciahnie kurs na ŭsialakaje pašyreńnie ŭzajemavyhadnaha supracoŭnictva. I tut vy ŭ poŭnaj miery možacie raźličvać na sustrečnyja kroki rasijskaha boku. My zacikaŭleny ŭ ščylnaj sumiesnaj rabocie z novym biełaruskim uradam», — adznačajecca ŭ vinšavańni.

Kamientary da artykuła