Nacbank vypuściŭ maniety «Leŭ Sapieha»

Ź sieryi «Umacavańnie i abarona dziaržavy».

Nacyjanalny bank Respubliki Biełaruś 30 śniežnia ŭvioŭ u abaračeńnie pamiatnyja maniety «Leŭ Sapieha» sieryi «Umacavańnie i abarona dziaržavy»:

srebnuju — naminałam 20 rubloŭ, probaj spłavu 925, masaj 33,62 h, dyjamietram 38,61 mm;

miedna-nikielevuju — naminałam 1 rubiel, masaj 15,50 h, dyjamietram 33,00 mm.

Maniety majuć formu kruha, ź piaredniaha i advarotnaha bakoŭ — kant, jaki vystupaje pa akružnasci. Na bakavoj pavierchni maniet nadpis: UMACAVAŃNIE I ABARONA DZIARŽAVY.

Aviers: uviersie — reljefny vidarys Dziaržaŭnaha hierba Respubliki Biełaruś; u centry — vyjava frahmienta lista Statuta Vialikaha Kniastva Litoŭskaha 1588 h., pad joj — hod čakanki i proba spłavu na srebnaj; uviersie pa kruzie nadpis: RESPUBŁIKA BIEŁARUŚ; unizie — naminał: 20 RUBLOŬ (na srebnaj) i 1 RUBIEL (na miedna-nikielevaj).

Reviers: u centry — vyjava Lva Sapiehi, sprava — hierb rodu Sapiehaŭ «Lis» i nadpis: LEŬ SAPIEHA.

Maniety adčakanieny na ZAT «Litoŭski manietny dvor»: srebnaja — jakaściu «pruf», miedna-nikielevaja — «pruf-łajk», kožnaja tyražom pa 3000 štuk.

Kamientary da artykuła