Jeŭradeputaty adkłali vizit u Minsk
Delehacyja Jeŭrapiejskaha parłamienta, jakaja źbirałasia prylacieć u Minsk 31 studzienia, adkładaje amal na miesiac svoj vizit. Pra heta paviedamiŭ kiraŭnik delehacyi JEP pa suviaziach ź Biełaruśsiu polski deputat Jacek Pratasievič. Pryčyna pieranosu vizitu — niebiaśpieka pieraškod z boku biełaruskich uładaŭ.
«Nie prablema prylacieć u Minsk. Adnak pryziamlicca ŭ Minsku, a potym nie pierasiekčy miažu — heta nie rašeńnie» — skazaŭ Jacek Pratasievič.
Meta jeŭrapiejskaj delehacyi — aznajomicca z umovami ŭtrymańnia aryštavanych paśla padziejaŭ 19 śniežnia i sustrečy ź siemjami aryštavanych, jurystami i pravaabaroncami.