U Maskvie DAIšniki zastrelili kiroŭcu džypa, jaki taraniŭ mašyny
Supracoŭnik milicyi zastreliŭ na poŭdni Maskvy parušalnika, jaki prataraniŭ na svaim aŭtamabili niekalki mašyn, paśla čaho, admaŭlajučysia padparadkavacca patrabavańniam supracoŭnika pravaachoŭnych orhanaŭ, sprabavaŭ uciačy. Pravaachoŭnyja orhany nazyvajuć rasstreł vinavataha ŭ avaryi vymušanaj mieraj: toj nibyta chapaŭsia za aŭtamat.
Kiroŭca džypa prataraniŭ niekalki mašyn i pasprabavaŭ uciačy. Pačaŭsia pieraśled. Milicyjant zapatrabavaŭ ad parušalnika spynicca, adnak toj tolki dadaŭ chutkaści.
Padčas pahoni kiroŭca pierasiek dźvie sucelnyja linii raźmietki i prajechaŭ na čyrvonaje śviatło.
Da pieraśledu dałučylisia jašče niekalki milicejskich aŭto. Kali kiroŭcu inšamarki atrymałasia zabłakavać, siaržant milicyi vyciahnuŭ kiroŭcu, jaki zamknuŭsia ŭ sałonie, z mašyny.
Padčas zatrymańnia kiroŭca nibyta schapiŭsia za jaho aŭtamat. Milicyjantu «daviałosia» adkryć ahoń, paviedamiŭ aficyjny pradstaŭnik Maskoŭskaha HUUS Viktar Birukoŭ. Kiroŭca zahinuŭ.
Pavodle papiarednich dadzienych, mužčyna znachodziŭsia ŭ stanie ałkaholnaha apjanieńnia.