Lasst sie frei! — 4400 podpisaŭ pad zvarotam Kaciaryny Statkievič

Akcyju «Adpuścicie ich na svabodu» (pa-niamiecku «Lasst sie frei»), jakuju inicyjavała Kaciaryna Statkievič, za 6 dzion padtrymała ŭžo bolš za 4400 čałaviek.

Jany patrabujuć adpuścić na volu ŭsich palityčnych źniavolenych u Biełarusi.

Siarod padpisantaŭ — staršyni partyj Zihmar Habryel (sacyjał-demakraty), Kłaŭdyja Rot («Zialonyja»), Čem Azdemir («Zialonyja»); staršyni parłamienckich frakcyj bundestaha Hiermanii Frank-Valter Štajnmajer (sacyjał-demakraty), Renata Kiunast («Zialonyja»), Jurhien Trytyn («Zialonyja»), Folkier Kaŭder (CHDS/CHSS), staršynia frakcyi sacyjał-demakrataŭ u Jeŭraparłamiencie Martyn Šulc; Dyrk Nibiel, ministr ekanamičnaha supracoŭnictva i raźvićcia, Kłaŭs Vovierajt, mer Bierlina; Hiunter Hras, łaŭreat Nobieleŭskaj premii pa litaratury, dy inš.

Kaciaryna Statkievič, dačka palityka, pracuje ŭ karparacyju Audi ŭ Niamieččynie. Mikałaj Statkievič zastajecca źniavolenym u SIZA KDB. Kala 20 dzion jon trymaŭ haładoŭku pratestu. Pra jaho pa-raniejšamu prychodzić vielmi mała infarmacyi.

Kamientary da artykuła