U Siryi abvieščany dzień masavych antyŭradavych vystupaŭ — piatnica, 5 lutaha
U piatnicu ŭ Siryi rychtujucca antyŭradavyja vystupy pa anałohii z padziejami ŭ Jehipcie, jakija atrymali nazvu «Dzień hnievu». U hrupie ŭ sacyjalnaj sietcy Facebook, jakaja zaklikaje da pratestaŭ, naličvajecca bolš za 6 tys. udzielnikaŭ.Prezident Siryi Bašar Asad zajaviŭ u intervju The Wall Street Journal, što arabski śviet paśla padziej u Tunisie i Jehipcie ŭstupiŭ u «novuju eru», ale paabiacaŭ nie dapuścić biesparadkaŭ u svajoj krainie.
Mahčymaści sacyjalnych sietak u Siryi mocna abmiežavanyja, karystalniki Facebook nie mohuć mieć znosiny ŭ čacie i vychodzić u sacyjalnuju sietku z mabilnych telefonaŭ. Ale mnohija siryjcy abychodziać zabarony.
Rola sacyjalnych sietak padčas padziej u Tunisie i Jehipcie dla kaardynacyi dziejańniaŭ pratestoŭcaŭ nieadnarazova padkreślivałasia ekśpiertami.
Ciapier u Siryi mienavita praz Facebook płanujecca antyŭradavaja akcyja 4 lutaha suprać urada Bašara Asada.
Prezident Siryi daŭ intervju amierykanskamu vydańniu, padčas jakoha raskazaŭ, što jaho krainie nie pahražajuć padziei, jakija adbylisia ŭ Tunisie i Jehipcie.
«Kali vy chočacie pahavaryć pra Tunis i Jehipiet, to my žyviem za miežami hetych krain, my nie tuniscy i nie jehipcianie», — skazaŭ Bašar Asad.
Prezident Siryi padkreśliŭ, što dla pieraduchileńnia niezadavolenaści nasielnictva nieabchodna refarmavać žyćcio hramadstva, što i robicca ŭ krainie.
«Pavinnyja być roznaha kštałtu źmieny: palityčnyja, ekanamičnyja i administracyjnyja. Heta źmieny, jakija nam patrebnyja», — skazaŭ Asad.
U Siryi z 1963 hoda kiruje partyja arabskaha sacyjalistyčnaha adradžeńnia (BAAS). U 1973 hodzie da ŭłady pryjšoŭ Chafiez Asad, jaki niaźmienna znachodziŭsia la ŭłady da 2000 hoda. Paśla jaho śmierci prezidentam krainy staŭ jahony syn Bašar Asad.