Janukovič: «Łukašenka pierahnuŭ pałku»
Prezydent Ukrainy Viktar Janukovič u interviju polskaj hazecie Rzeczpospolita vykazaŭ ździŭleńnie dziejańniami Łukašenki paśla vybaraŭ.
Adkazvajučy na prośbu acanić sytuacyju ŭ Biełarusi, Janukovič skazaŭ:
«Nichto nia mieŭ sumnievaŭ u tym, što Łukašenka pieramoh na hetych vybarach. Pra heta śviedčyli sacyjalahičnyja daśledavańni.
Ale mnie zdajecca, što apošnim časam jon vielmi źmianiŭsia, ja dumaŭ, što jon abiare bolš prahmatyčnuju liniju ŭ dačynieńni da apazycyi. Kali ja ź im razmaŭlaŭ, to dumaŭ, što jon źmianiŭsia da lepšaha», — skazaŭ jon.
«Adnak, kali ja pabačyŭ, što zdaryłasia ŭ Biełarusi, to ździviŭsia. Praściej kažučy, jon pierahnuŭ pałku. Ja dumaju, što jaho niapravilna painfarmavali specsłužby. Jon zanadta im davieryŭsia», — dadaŭ Janukovič.