Kanfierencyja ŭ Varšavie raźjušyła łukašenkaŭcaŭ

2.02.2011 / 22:48

Dziejańni našych jeŭrapiejskich kaleh vyklikajuć surjoznaje nieŭrazumieńnie.

Kanfierencyja ŭ Varšavie maje adkryta pravakacyjny charaktar. Ab hetym zajaviŭ karespandentu BIEŁTA načalnik upraŭleńnia infarmacyi — pres-sakratar MZS Biełarusi Andrej Savinych.

«Dziejańni našych jeŭrapiejskich kaleh vyklikajuć surjoznaje nieŭrazumieńnie. Pierš za ŭsio, heta mierapryjemstva nielha nazvać kanfierencyjaj dla Biełarusi. Jana prachodzić biez udziełu zakonnych pradstaŭnikoŭ Biełarusi i biez uliku aficyjnaj pazicyi krainy, — adznačyŭ aficyjny pradstaŭnik biełaruskaha MZS. — Takim čynam, heta mierapryjemstva pravodzicca dla padtrymki asobnych marhinalnych hramadskich hrupovak u Biełarusi, jakija nie padtrymlivajucca biełaruskim hramadstvam».

Pres-sakratar MZS Biełarusi padkreśliŭ: «Mierapryjemstva maje adkryta pravakacyjny charaktar. Palityka štučnaha vyroščvańnia zvonku hramadzianskaj supolnaści ŭ adryvie ad dyjałohu z zakonnymi ŭładami — heta pravalnaja i niebiaśpiečnaja palityka. Vopyt praviadzieńnia takich sacyjalnych ekśpierymientaŭ z usioj vidavočnaściu paćviardžaje, što jany viaduć tolki da chaosu i destabilizacyi, i śviedčyć ab adkrytaj biezadkaznaści ich arhanizataraŭ».

Pry hetym Andrej Savinych adznačyŭ, što «takija dziejańni prama i niedvuchsensoŭna supiarečać normam mižnarodnaha prava i statuta AAN».

Paśpiešnaść i demanstratyŭnaść, ź jakoj arhanizatary realizujuć heta mierapryjemstva, śviedčyć ab tym, što jany vykarystoŭvajuć isnujučuju situacyju vyklučna jak instrumient prasoŭvańnia ŭłasnych palityčnych ambicyj, nikolki nie kłapociačysia ab zachavańni dobrasusiedskich adnosin pamiž našymi krainami.

Aficyjny pradstaŭnik biełaruskaha MZS padkreśliŭ: «Jak nam ujaŭlajecca, arhanizatary kanfierencyi imknucca taksama ŭ maksimalnaj stupieni vykarystać finansavyja resursy, jakija źjavilisia, u intaresach ułasnych ideałahičnych i prapahandysckich struktur».-

Čytajcie taksama:

Kamientary da artykuła