WikiLeaks naminavali na Nobieleŭskuju premiju miru
Internet-sajt WikiLeaks, jaki atrymaŭ viadomaść dziakujučy publikacyjam amierykanskich sakretnych materyjałaŭ, naminavany na Nobieleŭskuju premiju miru.
Čalec parłamienta Narviehii Snore Valen, jaki prapanavaŭ kandydaturu WikiLeaks, padkreśliŭ zasłuhi hetaha prajektu ŭ baraćbie za svabodu słova i dastupnaść infarmacyi.
Zvyčajna naminacyi na Nobieleŭskuju premiju miru trymajucca ŭ sakrecie, ale kankretnych praviłaŭ na hety kont nie isnuje.
Imia łaŭreata Nobieleŭskaj premii miru za 2011 h. abvieściać u pačatku kastryčnika.
Nahadajem, vyłučeńnie kandydataŭ na Nobieleŭskuju premiju miru skončycca 3 lutaha. Prava prapanoŭvać kandydatury majuć čalcy parłamientaŭ i ŭradaŭ roznych dziaržavaŭ, łaŭreaty Nobieleŭskaj premii miru minułych hadoŭ, Mižnarodny arbitraž u Haazie, a taksama daktary palityčnych navuk, jurysprudencyi, historyi i fiłasofii.