Na Mienščynie adznačyli 86-ja ŭhodki Słuckaha zbrojnaha čynu
U Słucku la ciapierašniaha histaryčnaha muzeju adbyŭsia sankcyjanavany ŭładami memaryjalny mitynh, najbolš masavy za apošnija hady. U 1920 hodzie ŭ budynku była abvieščanaja Słuckaja Rada, jakaja pryznała ŭładu Biełaruskaj Narodnaj Respubliki. A 27 listapada 1920 hodu pačalisia pieršyja bai słuččakoŭ z Čyrvonaj Armijaj.
U Słucku la ciapierašniaha histaryčnaha muzeju adbyŭsia sankcyjanavany ŭładami memaryjalny mitynh. U 1920 hodzie ŭ budynku była abvieščanaja Słuckaja Rada, jakaja pryznała ŭładu Biełaruskaj Narodnaj Respubliki. A 27 listapada 1920 hodu pačalisia pieršyja bai słuččakoŭ z Čyrvonaj Armijaj.
Sioletni mitynh u Słucku staŭsia najbolš masavym za apošnija hady. Arhanizavali mierapryjemstva siabry Kanservatyŭna-chryścijanskaj partyi BNF, da jakich dałučylisia maładyja demakratyčnyja aktyvisty z Salihorsku i Słucku – razam bolš za 100 čałaviek. Vystupoŭcy nia tolki paminali hierojaŭ Słukaha zbrojnaha čynu, ale kazali pra siońniašnija sacyjalnyja prablemy Biełarusi: pra kantraktnuju systemu, pra schavanaje biespracoŭje dy inšaje.
Paralelna ŭ Słucku memaryjalnuju imprezu ładzili siabry hramadzkaj inicyjatyvy «Razam» – tyja ludzi, što abjadnalisia ŭ Miensku na Kastryčnickaj płoščy ŭ časie sakavickich pratestaŭ. Impreza ładziłasia ŭ Starych Darohach, u muzei mastactvŭ Anatola Biełaha.
Memaryjalnyja mierapryjemstvy da ŭhodkaŭ Słuckaha zbrojnaha čynu praciahnucca 2 śniežnia ź inicyjatyvy «Moładzi partyi BNF».
❏
Hladzi jašče: