Kazus Alesia Michaleviča
Jon nie źbiraŭsia rabić revalucyju. U svajoj vybarčaj kampanii jon rabiŭ staŭku na dyjałoh z uładaj. Heta nie vyratavała jaho ad aryštu. Piša Andrej Pačobut.
Jon nie źbiraŭsia rabić revalucyju. U svajoj vybarčaj kampanii jon rabiŭ staŭku na dyjałoh z uładaj. Heta nie vyratavała jaho ad aryštu.
Padobna jak i najbolš radykalnyja ŭdzielniki niadaŭniaj prezidenckaj honki Andrej Sańnikaŭ i Mikoła Statkievič, Aleś Michalevič chutka ŭžo 2 miesiacy jak znachodzicca ŭ turmie KDB. I ništo nie pradviaščaje jaho chutkaha vyzvaleńnia.
Vidavočna, što ŭdzieł u prezidenckaj kampanii dla Alesia Michaleviča byŭ tolki krokam u jaho płanie stvareńnia novaha palityčnaha ruchu. Majučy dastatkova ścipłyja srodki, Michalevič zmoh sabrać nieabchodnyja dla rehistracyi kandydatam 100 tysiač podpisaŭ. Dapamoh jamu toj fakt, što ad udziełu ŭ kampanii admoviŭsia Alaksandr Milinkievič i šerah rehijanalnych struktur, jakija pracavali b na lidara ruchu «Za svabodu», pierajšli na bok Michaleviča.
Heta dało mahčymaść vykanać «prahramu minimum» — zarehistravacca kandydatam u prezidenty.
Svaju ahitacyjnuju kampaniju Michalevič budavaŭ u zachodnim styli, adrasna pracujučy pa vyznačanych elektaralnych hrupach:
vajskoŭcy, čynoŭniki, siłavyja struktury, nacyjanalnyja i relihijnyja mienšaści… Akramia jaho nichto da hetych hrupaŭ nie źviartaŭsia. A Michalevič dziejničaŭ dosyć rašuča. U Hrodnie, naprykład, jon zajaviŭsia ŭ abłvykankam i pajšoŭ pa kabinietach čynoŭnikaŭ, razdajučy im ahitacyjnyja materyjały i zaklikajučy padtrymać svaju kandydaturu.
Ujavicie sabie šok čynoŭnika, kali da jaho ŭ kabiniet niečakana zachodzić apazicyjny kandydat u prezidenty
i prama pad partretam «pavažanaha Alaksandra Ryhoraviča» pačynaje «hnuć svaju liniju».
Naturalna vyklikali milicyju. Adnak zahadu padymać skandał nie było i paśla pravierki dakumientaŭ Michaleviča ščaśliva adpuścili «na ŭsie čatyry baki».
U toj čas jak Vital Rymašeŭski, Ryhor Kastusioŭ ci navat Jarasłaŭ Ramančuk u svaich vystupach zaklikali prychilnikaŭ vyjści 19 śniežnia na płošču (ja śviadoma pieraličvaju proźviščy tych
Pakolki ŭdzieł u prezidenckaj honcy było tolki taktyčnym krokam u jaho płanie, to vyraznych adnosinaŭ da akcyi pratestu 19 śniežnia ŭ Michaleviča nie było. Jon sprabavaŭ łaviravać. Z adnaho boku jon vymušany byŭ u joj udzielničać, kab paźbiehnuć taŭra zdradnika, z druhoha boku heta nie pavinna było pierakreślivać jaho płanaŭ pa praciahu paśla vybaraŭ dyjałohu z uładaj i farmiravańnia novaj adkrytaj na dyjałoh z Łukašenkam palityčnaj siły.
Tamu jon pryjšoŭ na Kastryčnickuju płošču, ale nie vystupaŭ…
Dalejšy vynik viadomy. Aryšt, źmiaščeńnie ŭ «amierykanku» i apracoŭka
Pa sutnaści, unačy z 19 na 20 śniežnia ŭsim kandydatam u prezydenty Łukašenka praz svaich «paŭnamocnych pradstaŭnikoŭ» (tolki ŭ vypadku ź Jarasłavam Ramančukom heta byli ludzi z Administracyi prezidenta ŭzmocnienyja supracoŭnikami Słužby biaśpieki z astatnimi razmaŭlali
Supiernik pavinien byŭ prademanstravać, što jon maralna razdušany, pavinien byŭ poŭzać na kaleniach.
Ci budzie heta telezvarotam ci «tłumačalnaja zapiska prezidentu Respubliki Biełaruś» nie tak i važna. Zbroju svajho ŭłasnaha maralnaha źniščeńnia apazicyjaniery mahli vybrać sami.
Chto pryniaŭ hetyja ŭmovy — toj paźbieh turmy.
Ujaŭlaju ździŭleńnie KDB kali sprava dajšła da Michaleviča. «Pradyjałohavy» i antyrasijski palityk (prykład Ryhora Kastusiova pakazvaje, što možna było ŭsio valić na Rasieju, i takim čynam častkova zachavać svoj tvar), pavinien byŭ być «słabym źvianom». Usio pavinna było prajści chutka, jak pa maśle… Ale nie tut toje vyjšła. Rasčaravaŭ Aleś, prychilnikaŭ «dyjałohu pad pratakoł».
I siońnia Michalevič siadzić z adnoj pryčyny — jon nie choča być maryjanietkaj, jon zastajecca palitykam, jaki navat u ekstremalnych situacyjach samastojna prymaje rašeńni. I z hetym Łukašenka nie choča źmirycca.
Los Michaleviča pakazvaje, što siońnia ščyraja staŭka na palityčny dyjałoh z Łukašenkam, biessensoŭnaja. Bo damaŭlacca ni z kim dyktatar nie źbirajecca. Havorka moža iści tolki ab biezahavoračnaj kapitulacyi. Albo Łukašenka albo jaho praciŭnikaŭ.