U Dzień rodnaj movy ŭ mahiloŭskim transparcie prahučać vieršy biełaruskich paetaŭ
Vieršy biełaruskich paetaŭ buduć hučać u hramadskim transparcie Mahilova ŭ Mižnarodny dzień rodnaj movy 21 lutaha. Pra heta paviedamiła staršynia kaardynacyjnaj Rady hramadzkich i nacyjanalnych abjadnańniaŭ, palityčnych partyj i prafsajuznych arhanizacyj Mahilova Zinaida Piańkova.
Ź inicyjatyvaj padtrymać biełaruskuju movu vystupili hramadskija arhanizacyi Mahilova. Haradskija ŭłady i transpartniki nie admovili. Vieršy prahučać u vykanańni vučniaŭ haradskich škoł, himnazij i licejaŭ. Chłopcy ŭžo zapisalisia ŭ studyi teleradyjokampanii «Mahiloŭ». Jany buduć dekłamavać tvory jak kłasikaŭ biełaruskaj litaratury, tak i sučaśnikaŭ. U ich liku Jakub Kołas, Janka Kupała, Siarhiej Hrachoŭski, Uładzimir Karatkievič, Ivan Piechcieraŭ i inš. 21 lutaha junych čytalnikaŭ pakažuć na vialikim śviatłodyjodnym ekranie la Doma bytu i pa televizarach, jakimi asnaščany 40 haradskich aŭtobusaŭ.
Haradskaja arhanizacyja BRSM ŭziałasia za raspaŭsiudžvańnie ŭ hety dzień ulotak ź vieršami biełaruskich sučasnych paetaŭ i vytrymkami z tvoraŭ prazaikaŭ, a «Tavarystva biełaruskaj movy» praviadzie tradycyjnuju dyktoŭku, u jakoj zmohuć paŭdzielničać usie žadajučyja. Akramia taho, pa damoŭlenaści z adździełam adukacyi harvykankama va ŭsich škołach Mahilova 21 lutaha projduć kłasnyja hadziny pra značeńnie rodnaj movy, tematyčnyja viečary, roznyja pastanoŭki, vyjduć naścienhaziety.
«My spadziajemsia, što hetaja akcyja stanie jašče adnym krokam na šlachu biełaruskaha kulturnaha adradžeńnia i papularyzacyi rodnaj movy», — padkreśliła Zinaida Piańkova.