Hiensakratar Rady Jeŭropy zaklikaŭ Biełaruś terminova ŭvieści maratoryj na śmiarotnuju karu
Hienieralny sakratar Rady Jeŭropy Turbjorn Jahłand zaklikaje Biełaruś terminova ŭvieści maratoryj na śmiarotnuju karu. Adpaviednuju zajavu raspaŭsiudziła 15 lutahapres-słužba Rady Jeŭropy.
«Hłyboka rasčaravany i zaniepakojeny rašeńniem, pryniatym Viarchoŭnym sudom Biełarusi ab paćviardžeńni jašče adnaho śmiarotnaha pryhavoru. U najaŭnaści rost dyskusij ab admienie śmiarotnaj kary ŭ Biełarusi, ale hetaha niedastatkova, kab prakłaści šlach da maratoryja. Ciapier isnuje nieabchodnaść sapraŭdnaj palityčnaj voli dla pierachodu ad słoŭ da dziejańniaŭ. Śmiarotnaj kary nie miesca ŭ pienitencyjarnych sistemach sučasnaha hramadstva», — zajaviŭ Jahłand.
Nahadajem, maratoryj na śmiarotnuju karu źjaŭlajecca adnym z asnoŭnych umoŭ viartańnia biełaruskamu parłamientu statusu śpiecyjalnaha zaprošanaha Parłamienckaj asamblei Rady Jeŭropy.
Jak raniej paviedamlałasia, 11 lutaha Viarchoŭny sud Biełarusi razhledzieŭ u kasacyjnym paradku i pakinuŭ bieź źmieny śmiarotny pryhavor Mahiloŭskaha abłasnoha suda ŭ dačynieńni da Ihara Mialika, adnaho ź fihurantaŭ spravy ab razbojnych napadach i zabojstvach na trasie Mahiloŭ — Homiel.
Prysud nabyŭ moc.
Rašeńnie suda pieršaj instancyi — Mahiloŭskaha abłasnoha suda — było vyniesienaje 14 vieraśnia 2010 hoda. Druhi ŭdzielnik złačynnaj hrupy, Alaksandr Syčoŭ, pryhavorany da pažyćciovaha źniavoleńnia. Vierchavod bandy, zasnavalnik Biełaruskaha respublikanskaha abjadnańnia
Pavodle danych śledstva, troje hramadzian učyniali razbojnyja napady na ŭładalnikaŭ darahich aŭtamabilaŭ, kali tyja adpačyvali na ŭzbočynie trasy. Ich cikavili aŭtamabili ź niebiełaruskaj rehistracyjaj. Tych, chto sprabavaŭ akazać supraciŭleńnie, złačyncy rasstrelvali. Na pasiadžeńni suda siarod inšych złačynstvaŭ prakuroram byli abnarodavanyja fakty zabojstva čatyroch čałaviek. Majomaść, vykradzienuju ŭ zahinułych, realizoŭvałasia. Na sudzie Syčoŭ i Mialik svaju vinu pryznali całkam, prasili prabačeńnia ŭ svajakoŭ zabitych, vykazvali prośby ab pabłažcy.