Kiraŭnik Jeŭraparłamienta patrabuje terminova vyzvalić Andreja Pačobuta

Staršynia Jeŭrapiejskaha parłamienta Ježy Buzek zaklikaŭ biełaruskija ŭłady terminova vyzvalić z-pad aryštu karespandenta polskaj «Gazety Wyborczej» Andreja Pačobuta.

Pa mierkavańni sp-ra Buzeka, 15-sutkavy aryšt, na jaki asudzili žurnalista, źjaŭlajecca prajavaj «cisku ŭładaŭ ŭ Minsku na tych hramadzian svajoj krainy, jakija majuć śmiełaść dumać inakš i havaryć pra heta adkryta».

Nahadajem, što 11 lutaha Kastryčnickim rajsud h. Minska (sudździa Natalla Pratasavickaja) pryznaŭ hrodzienskaha žurnalista i siabra HA «BAŽ» Andreja Pačobuta vinavatym va «ŭdziele» ŭ niesankcyjanavanaj akcyi 19 śniežnia («Parušeńnie paradku arhanizacyi albo praviadzieńnia masavaha mierapryjemstva», č. 3 art. 23.34 KaAP) i asudziŭ jaho na 15 sutak.

Kamientary da artykuła