Ułada zadumałasia pra viartańnie tax-free
Minimalny košt pakupki miarkujecca ŭstalavać na ŭzroŭni 50 jeŭra.
Ministerstva handlu Biełarusi ŭniasie na razhlad Savie ta ministraŭ prapanovu pra ŭkaranieńnie ŭ krainie sistemy tax-free.
Pa mierkavańni Minhandlu, heta budzie spryjać rostu kolkaści turystaŭ, jakija naviedvajuć Biełaruś, pavyšeńniu abjomu tavarazvarotu, pavieličeńniu prytoku zamiežnaj valuty i pavyšeńniu imidžu dziaržavy.
Prapanovu ŭžo padrymali Nacyjanalny bank, Ministerstva sportu i turyzmu, Dziaržaŭny mytny kamitet, Minharvykankam i ŭsie abłvykankamy.
U Biełarusi miarkujecca nastupny ałharytm pakryćcia padatku:
pradaviec zapaŭniaje admysłovy błank (ček) i pieradaje jaho razam z tavarnym čekam zamiežnamu pakupniku.U svaju čarhu mytnyja orhany paćviardžajuć vyvaz tavara zamiežnym pakupnikom. Vyznačanaja dziaržavaj kampanija pakryvaje pakupniku sumu vypłačanaha padatku za vylikam płaty za pasłuhi: praz admysłovyja punkty ŭ aeraportach i na pamiežnych pierachodach šlacham pieraliku adpaviednaj sumy na kredytnuju kartu ci vydačy bankaŭskaha čeka (u vypadku atrymańnia dakumientaŭ pa pošcie).
Dla hrašovaha pakryćcia padatku pavinny być vykanany peŭnyja ŭmovy. Pa-pieršaje, pakupnik pavinien mieć pastajannaje miesca žycharstva za miežami terytoryi, dzie byli ździejśnienaja pakupka. Pa-druhoje,
pakupnik pavinien ździejśnić pakupku na sumu nie nižej za vyznačany minimum, naprykład, 50 jeŭra.Nabyty tavar pavinien być vyviezieny z krainy na praciahu vyznačanaha termina (naprykład, troch miesiacaŭ). Pa adnym čeku najaŭnymi hrašyma moža być vypłačana suma, jakaja nie pieravyšaje, naprykład, 500 jeŭra.