Samit Uschodniaha partniorstva pieraniesieny ź Vienhryi ŭ Polšču

Samit prahramy ES «Uschodniaje partniorstva», jaki płanavałasia pravieści 27 maja ŭ Budapiešcie (Vienhryja), projdzie ŭ Polščy, jak miarkujecca ŭ vieraśni ci kastryčniku.

Pieranos źviazany z tym, što na maj zapłanavany šerah inšych mižnarodnych mierapryjemstvaŭ.

Čakajecca, što samit naviedajuć lidary krain ES, a taksama Ukrainy, Hruzii, Małdovy, Azierbajdžana i Armienii. Udzieł u mierapryjemstvie voźmie i kiraŭnik źniešniepalityčnaj słužby Jeŭrasajuza Ketryn Eštan.

Chto budzie pradstaŭlać na samicie Biełaruś, pakul niajasna, «bo Alaksandru Łukašenku i jaho administracyi zabaroniena pryjazdžać u krainy ES z-za parušeńniaŭ pravoŭ čałavieka», zaznačaje polskaje radyjo.

«My pačali pieramovy z usimi krainami-ŭdzielnicami, za vyklučeńniem Biełarusi», — paviedamiŭ u intervju radyjostancyi ŭpaŭnavažany pradstaŭnik MZS Polščy pa pytańniach Uschodniaha partniorstva Andžej Ceškoŭski.

Padčas samita taksama adbuducca sustrečy ministraŭ ekanomiki, kiraŭnikoŭ pahraničnych viedamstvaŭ i roznych niaŭradavych arhanizacyj.

Kamientary da artykuła