Staršynia aficyjnaha SPB Siamaška: Dy chren ź joj, z Polščaj!
Stanisłaŭ Siamaška patłumačyŭ, navošta prosić pravieryć na zakonnaść «kartu palaka».
Deputaty Pałaty pradstaŭnikoŭ źviarnulisia ŭ Kanstytucyjny sud z prośbaj vyznačyć adpaviednaść polskaha zakona «Pra kartu palaka» ahulnapryznanym pryncypam i normam mižnarodnaha prava. Mienavita z takoj prapanovaj źviarnuŭsia ŭ kamisiju pa mižnarodnych spravach i suviaziach z SND staršynia aficyjnaha Sajuza palakaŭ Stanisłaŭ Siamaška.
Na jaho dumku, Polšča padzialiła biełaruskich palakaŭ na tych, kamu davać kartu, a kamu — nie. U samoha Siamaški, naprykład, takoj karty niama. Da taho ž staršyniu Sajuza palakaŭ uklučyli ŭ śpisy nieŭjaznych u Jeŭropu. Heta i padšturchnuła jaho da takoha kroku.
Stanisłaŭ Siamaška: «Chaciełasia b ich (Parłamient i Urad Polščy) pastavić na pravilny šlach. Z dapamohaj, moža być, suśvietnaj supolnaści. Jakoje jany majuć prava nas, palakaŭ, nie ŭpuskać?!
My nie chočam ŭ ich krainu, a voś u inšyja krainy Jeŭrasajuza my chočam! A jany: „Nie — nie ŭjazdžać!“ Darujcie mianie, dy chren ź joj, ź ich krainaj!Ale jakoje jany majuć prava rabić, što ja ŭ Litvu nie maju prava jechać?! Albo ŭ Niamieččynu ci Francyju? Heta prynižeńnie!»
I paabiacaŭ, što niezaležna ad rašeńnia Kanstytucyjnaha suda sam nie spynicca ŭ pošukach praŭdy i pojdzie pa jeŭrapiejskich instancyjach.