Biełaruś pavysiła staŭki ekspartnaj pošliny na naftu i naftapradukty

1 sakavika Biełaruś pavysiła staŭki ekspartnaj pošliny na naftu i naftapradukty. Heta praduhledžana pastanovaj Savieta ministraŭ № 235 ad 24 lutaha.

Ź siońniašniaha dnia staŭka mytnaj pošliny pry vyvazie z terytoryi Biełarusi za miežy Mytnaha sajuza na syruju naftu pavialičana na 18,5 dołara da 365 dołaraŭ za tonu, na naftu z utrymańniem siery — na 12,8 dołara da 150,4 dołara za tonu.

Pošlina na śvietłyja naftapradukty (lohkija dystylaty, siarednija dystylaty, hazojli) pavialičana z 232,2 da 244,6 dołara za tonu, na ciomnyja naftapradukty (vadkaje paliva, masła, adpracavanyja naftapradukty) — sa 161,8 da 170,4 dołara za tonu.

Pošlina na prapan, butany, etylen, prapilen, butylen i butadyjen, inšyja zvadkavanyja hazy źniziłasia 1 sakavika sa 198,8 da 150,2 dołara za tonu, na naftavy vazielin, minieralnyja voski i anałahičnyja pradukty — pavysiłasia z 161,8 da 170,4 dołara za tonu.

Nahadajem, 9 śniežnia 2010 hoda ŭ Maskvie było padpisana biełaruska-rasijskaje mižuradavaje pahadnieńnie ab raźmierkavańni ekspartnych pošlin. Zhodna z dakumientam, z 1 studzienia Rasija pavinna pastaŭlać u Biełaruś usiu naftu biaspošlinna. Biełaruś, sa svajho boku, pavinna pieraličvać u biudžet RF uvieś abjom ekspartnych pošlin na naftapradukty, jakija vypracavany z rasijskaj nafty i vyvoziacca za miežy Mytnaha sajuza.

Kamientary da artykuła