Dźmitryjeŭ: patrebny vypusk pary
Kiraŭnik kampanii «Havary praŭdu» daŭ razhornutaje intervju sajtu Naviny.by.
— Vy ličycie, što siłavyja akcyi — pieratrusy, dopyty — u najbližejšy čas spyniacca? — zapytaŭsia ŭ jaho žurnalist.
— Kali va ŭładzie jość ludzi, jakija dumajuć stratehična i nie bajacca kazać čałavieku, jaki prymaje rašeńni, pra realnuju situacyju ŭ krainie, to heta było b samaje pravilnaje i łahičnaje papiaredniaje vyjście.
Patrebien vypusk pary, vidavočna, što pratestny elektarat u Biełarusi prykmietna vyras. Najaŭnaja palityčnaja apazicyja nie zdolnaja ŭ poŭnaj miery adkazać na jaho zapyty. Značyć, u hramadstvie jość realny popyt na takuju kamunikacyju i na novyja palityčnyja siły», — namiakaje Dźmitryjeŭ na toje, što jahonaja struktura mahła b vykonvać takuju rolu.
U tym samym intervju Dźmitryjeŭ prapanuje maratoryj na «niepradumanyja vuličnyja akcyi».