AAN: Za rysaj uzroŭniu biednaści ŭ Biełarusi žyvuć 6% nasielnictva
Pra heta na
«Heta značyć, 6% nasielnictva žyvie
nižej aficyjnaha nacyjanalnaha ŭzroŭniu biednaści»,— patłumačyła Istomina.
Jana adznačyła, što hety pakazčyk źjaŭlajecca adnym z samych nizkich u rehijonie jeŭrapiejskich krain ź pierachodnaj ekanomikaj i SND.
Ekśpiert patłumačyła, što da biednych słajoŭ nasielnictva mohuć adnosicca siemji z tryma i bolš dziećmi, hramadzianie ź nizkim uzroŭniem adukacyi, biespracoŭnyja, maładyja ludzi, jakija vučacca ŭ VNU i nie znajšli pracy. Istomina adznačyła, što ŭ pieršych radach biednych słajoŭ nasielnictva žychary małych haradoŭ (asabliva z horadaŭtvaralnymi pradpryjemstvami) i sielskich nasielenych punktach.
Na dumku Istominaj, mienavita na hetyja słai nasielnictva nieabchodna źviarnuć uvahu dla ŭciahvańnia ich u śfieru biźniesu, jaki pradastavić im mahčymaść pracy pa zakazie, pa subkantraktach. Siarod pieraškod pa raźvićci biźniesu ŭ małych haradach ekśpiert nazvała niedachop infarmacyi ab umovach adkryćcia svajoj spravy.
«Lepšy mietad dla taho, kab uciahnuć ich u biźnies i raźvić pradprymalnictva, heta ich ubudoŭvańnie ŭ inkluziŭny biźnies, u isnujučy technałahičny łancužok bujnych pradpryjemstvaŭ, dać im mahčymaść zaniataści abo dać zakaz», — ličyć Istomina.