MZS: my z zadavalnieńniem usprymajem vybačeńni kiraŭnictva AAN
Presavy sakratar MZS Andrej Savinych prakamentavaŭ toje, što AAN vybačyłasia pierad Biełaruśsiu i adklikała zakidy na adras Biełarusi adnosna padazravanych pastavak troch bajavych viertalotaŭ uKot-d JIvuar dla siłaŭ faktyčnaha kiraŭnika hetaj krainy Łarana Hbahbo.
2 sakavika namieśnik Hieneralnaha sakratara AAN pa miratvorčych aperacyjach Alen Lerua ŭziaŭ na siabie adkaznaść za ŭčynienuju pamyłku i vybačyŭsia pierad pradstaŭnikom Biełarusi ŭ AAN Zinaidaj Kałantaj.
Andrej Savinych zajaviŭ: «My z zadavalnieńniem usprymajem vybačeńni kiraŭnictva AAN, jakija byli nakiravanyja na adras biełaruskaha boku aficyjnaj notaj, a taksama ahučanyja ŭčora padčas bryfinhu namieśnika Hieneralnaha sakratara AAN.
My hatovyja razhladać iłžyvyja abvinavačańni, jakija źjavilisia na adras Respubliki Biełaruś ab parušeńni sankcyj Rady biaśpieki, jak vypadkovuju i nienaŭmysnuju pamyłku.
My taksama raźličvajem na poŭnaje vyklučeńnie takich pamyłak u budučyni. Respublika Biełaruś razhladaje Radu biaśpieki AAN u jakaści klučavoha elementu hlabalnaj systemy mižnarodnaj biaśpieki. My hatovyja rabić usio, što ad nas zaležyć, dla ŭmacavańnia roli hetaha orhana Abjadnanych Nacyj i biezumoŭnaha vykanańnia ŭsich jaho rašeńniaŭ».