Chans-Hieorh Vik: Kali Łukašenka nie razumieje, ES uviadzie ekanamičnyja sankcyi
Žorstkija prysudy aktyvistam apazicyi i žurnalistam nie zastanucca dla dyktatarskaha režymu biez nastupstvaŭ.Kiraŭnik niamieckaj pravaabarončaj arhanizacyi «Pravy čałavieka ŭ Biełarusi»
— Čamu biełaruskija ŭłady praciahvajuć pieraśledvać svaich apanientaŭ, niahledziačy na cisk, jaki ździajśniajecca na ich z boku Zachadu i Rasiei?
— Ja dumaju, što pieraśledy aktyvistaŭ i pradstaŭnikoŭ apazicyi, što adbyvajucca siońnia ŭ Biełarusi, źjaŭlajucca nastupstvam taho, jak Łukašenka acaniŭ svajo ciapierašniaje stanovišča. Jon adčuvaje siabie pad pahrozaj u suviazi z rostam niezadavolenaści siarod biełarusaŭ, jakaja tyčycca jak jaho samoha, tak i ŭ cełym aŭtarytarnaj sistemy ŭ krainie. Takija nastroi možna adsačyć pa vynikach hałasavańnia na prezidenckich vybarach, pra što kažuć niezaležnyja naziralniki i jakija nie ŭ karyść ciapierašniaha kiraŭnika dziaržavy.
— Vy padzialajecie dumku, što ŭsie što palitźniavolenyja, što źjavilisia ŭ Biełarusi paśla 19 śniežnia, źjaŭlajucca zakładnikami ŭ handli ź Jeŭraźviazam?
— Ja nie liču, što tych, chto zaraz znachodzicca ŭ źniavoleńni pa palityčnych matyvach, ułady buduć vykarystoŭvać u jakaści zakładnikaŭ u handli ź Jeŭraźviazam. Cisk u dačynieńni da hetych ludziej prymianiajecca, tamu što jany ŭjaŭlajuć niebiaśpieku dla Łukašenki. I hetyja pracesy buduć praciahvacca, dla taho kab zapałochać nasielnictva i apraŭdać aŭtarytarnyja mietady kiravańnia. Ja nie vyklučaju, što ŭ budučyni, kali represii pryniasuć patrebny ŭładam vynik, palitviaźniaŭ vypuściać na volu, zrabiŭšy takim čynam «krok nasustrač» JEZ.
— Nakolki vierahodna, što Brusel usio ž ŭviadzie ekanamičnyja sankcyi ŭ dačynieńni da biełaruskaha režymu, kali represii i vyniasieńnie abvinavaŭčych prysudaŭ pa spravie ab masavych biesparadkach praciahnucca?
— Pakolki miery akazańnia cisku, što prymianialisia Zachadam da hetaha času, na Łukašenku nie ździajśniajuć nijakaha ŭździejańnia, nie vyklučana, što ekanamičnyja sankcyi buduć uviedzienyja. U hetym sensie efiektyŭnym instrumientam mahli b stać sankcyi, što datyčacca prodažu biełaruskich naftapraduktaŭ na jeŭrapiejskim rynku. Ale ja nie dumaju, što takoje rašeńnie ŭžo naśpieła.