Fotafakt: Takim budzie novy MAZ
Vizualna biełaruski aŭtaciahnik padobny da lehiendarnych amierykanskich trakaŭ.
Na sustrečy z žurnalistami hienieralny dyrektar Minskaha aŭtazavoda (MAZ) Alaksandar Baroŭski na adno imhnieńnie pakazaŭ makiety ŭnikalnych aŭtaciahnikoŭ, što ciapier raspracoŭvajuć minskija kanstruktary.
Alaksandar Baroŭski: Takim budzie novy MAZ.
Viadoma, što hruzapadymalnaść novaj mašyny budzie 60 ton i vialikaja ŭvaha budzie nadadziena biaśpiecy i kamfortu kiroŭcy takoha aŭto. Vizualna biełaruski aŭtaciahnik padobny da lehiendarnych amierykanskich trakaŭ.
Miesiac tamu press-słužba MAZa ŭžo publikavała prajektnyja zdymki novych aŭtamabilaŭ. Ciapier sam Baroŭski koratka abmoviŭsia ab novaj madeli i paviedamiŭ, što jaho mahčymaja prezentacyja adbudziecca ŭžo ŭ žniŭni hetaha hoda.